‎Gaammo dichcha maabaray ooraththi aadhdhida kaappoti eqota oothanchatara erettidi kaalliza wode ootho bolla tobbe ooththishe dees

‎

‎Arba Minc’e :Wogayza 10/2018M.L(Gaammo Telebizhine)

‎Gaammo dichcha maabara ooraththa kaappoti oothanchatara kaalliza ootho bolla tobbe ootho doommida.

‎Tobbeza bolla beettidi haasaya ooththida Gaammo dichcha maabara huphe ootho polisancha D/re injiinere Dubbaale Mandefirootey Gaammo dichcha maabaray dereppe kezidi deres ooththiza ammaneteththay diza eqota gida.

‎Eqotazi 16 mac’arati diza,750 sha’u yarati dizanne dumma dumma haggazota dere asaas immiiddo gam’ida eqota gididaysaka haasayida.

‎Wodeza daaniza hanotan oothon eqota dhoqqa deththa gaththanaw minnidi ooththana gida.

‎Issoy haraara diza issippeteththa minthoy,ha’i diza mino miyyetanne pac’e baggata paattidi kaalliza wode oothos giigeteththinne go’iza qofata pultisoy duulatazas ayfe qofa gididaysa D/re Injiinere Mandefirootey qofisida.

‎Duullatazan aadhdhida wode ootho polo iripportey shiiqidaysa gidishin yarata c’orisoy,kaalodata wodeppe woden zaareththoy,haaro qiic’i go’eteththi,oothanchata yigeththinne saatelayte biiroti ootho doommonta agoy tishshateththi imettana bessiza wudata gididaysi xomosettides.

‎Kallidi iripporteza bolla tobbey oothettanaysi naagettees.